Magolikipa wanaoshikilia rekodi pamoja na David de Gea

Haki miliki ya pichaGETTY IMAGES

Image captionDe Gea alisema tu kwamba: "Ilikuwa mechi nzuri kwangu"

Arsenal walishambulia lango la Manchester United mara 15 Jumamosi, lakini hawakufanikiwa kutikisa wavu isipookuwa mara moja tu - kikwazo chao David de Gea.

Meneja wa Manchester United Jose Mourinho alisema uchezaji wa golikipa huyo wake ulikuwa "bora zaidi duniani".

Meneja wa Arsenal Arsene Wenger pia alikiri kwamba Mhispania huyo alciheza kwa ustadi mkubwa na kwamba "alikuwa ndiye mchezaji bora wa mechi kwa mbali sana".

Uchezaji wake ulikuwa muhimu sana kwani uliwasaidia kulaza Arsenal 3-1 - na pia ulifikia rekodi Ligi ya Premia.

Hatua yake ya kuzima makombora 14 inamfanya kushikilia rekodi ya kuzuia makombora mengi zaidi mechi moja Ligi Kuu England pwa pamoja na mlindalango wa zamani wa Newcastle Tim Krul na kipa wa zamani wa Sunderland Vito Mannone.

Waliozuia makombora mengi zaidi mechi moja EPL tangu Agosti 2003 (Opta walipoanza kufuatilia data)

Tarehe	Timu	Mchezaji	Mpinzani	Aliokoa
19 Apr 2014	Sunderland	Vito Mannone	Chelsea	14
2 Des 2017	Man Utd	David de Gea	Arsenal	14
10 Nov 2013	Newcastle	Tim Krul	Tottenham	14
21 Mar 2015	West Brom	Boaz Myhill	Man City	13
7 Nov 2004	Fulham	Mark Crossley	Newcastle	13
2 Jan 2017	Sunderland	Vito Mannone	Liverpool	13
28 Feb 2016	Swansea	Lukasz Fabianksi	Tottenham	13
8 Apr 2006	Man City	David James	Tottenham	13

Nguzo ya Man City

Haki miliki ya pichaREUTERS

Image captionDe Bruyne aliondoka EPL mara ya kwanza alipoenda Wolfsburg awali kwa mkopo kutoka Chelsea 2012

Kevin de Bruyne, kiungo wa kati wa Manchester City mwenye miaka 26, alisaidia ufungaji wa bao mara ya nane msimu huu ligini.

Alisambaza mpira na kumuwezesha David Silva kufunga mechi ambayo walilaza West Ham 2-1.

Amesaidia ufungaji wa mabao 35 ligini akiwa an City tangu awachezee mechi ya kwanza Septemba 2015.

Hakuna mchezaji mwingine ligi tano kuu za Ulaya (England, Ufaransa, Ujerumani, Italia na Uhispania) amesaidia ufungaji wa mabao mengi kama yeye. Amemwacha Mesut Ozil wa Arsenal kidogo.

Mchezaji	Amesaidia kufunga mabao
Kevin de Bruyne (Man City)	35
Mesut Ozil (Arsenal)	32
Christian Eriksen (Tottenham)	30
Luis Suarez (Barcelona)	30
Neymar (Barcelona na PSG)	29
Lionel Messi (Barcelona)	29
Angel di Maria (PSG)	27

Mabao ya kujifunga

Haki miliki ya pichaREUTERS

Image captionDunk alijifunga na kuwasaidia Liverpool kulaza klabu yake Brighton 5-1 Jumamosi

Jumamosi, beki wa Brighton Lewis Dunk alijifunga kwa mara ya tatu msimu huu, na kuwasaidia Liverpool kulaza timu yake 5-1.

Ina maana kwamba amejifunga kila mechi tano. Rekodi hata hivyo inashikiliwa na beki wa zamani wa Charlton Richard Rufus ambaye alijifunga mabao matano katika mechi 99.

Haki miliki ya pichaGETTY IMAGES

Image captionRufus aliwafungia Charlton mabao sita Ligi ya Premia - hivyo angalau aliwafaa pia kwa mabao

Mabao ya kujifunga Ligi ya Premia (waliojifunga mabao matano na zaidi)

Mchezaji	Mechi alizocheza	Mabao ya kujifunga	Mechi kwa kila bao la kujifunga
Richard Rufus	99	5	19.8
Michael Duberry	161	5	32.2
Martin Skrtel	242	7	34.5
Scott Dann	194	5	38.8
Neil Ruddock	195	5	39
Gareth McAuley	199	5	39.8
Richard Dunne	431	10	43.1
Frank Sinclair	288	6	48
Wes Brown	308	6	51.3
Henning Berg	275	5	55 CHANZO :BBC SWAHILI.