- RICH VOICE KISIMA CHA HABARI

lhamisi, 29 Desemba 2016

RAIS DKT. MAGUFULI ASHIRIKI MSIBA WA MZEE MAARUFU WA CHATO ADMIRABILIS MBABE MANYAMA (82) CHATO MKOANI GEITA

Rais wa Jamhuri ya Muungano wa Tanzania Dkt. John Pombe Magufuli akimpa pole Bi Mugwe Mbabe ambaye ni Mke mkubwa wa Marehemu Mzee Maarufu Admirabilis Mbabe Manyama(82) mara baada ya kuwasili nyumbani kwa marehemu Chato mkoani Geita.

Rais wa Jamhuri ya Muungano wa Tanzania Dkt. John Pombe Magufuli akimpa pole Bi. Regina Mbabe mke mdogo wa Marehemu Mzee Maarufu Admirabilis Mbabe (82) Manyama mara baada ya kuwasili nyumbani kwa marehemu Chato mkoani Geita.

Rais wa Jamhuri ya Muungano wa Tanzania Dkt. John Pombe Magufuli akizungumza na Deodatus Manyama wakwanza (kushoto) ambaye ni mdogo wa marehemu Marehemu Mzee Admirabilis Mbabe Manyama(82) mara baada ya kuwasili nyumbani kwa Marehemu Chato mkoani Geita.

Rais wa Jamhuri ya Muungano wa Tanzania Dkt. John Pombe Magufuli akizungumza na Bi. Mugwe Mbabe mke mkubwa wa Marehemu Mzee Admirabilis Mbabe Manyama mara baada ya kuwasili nyumbani kwa marehemu Chato mkoani Geita

Rais wa Jamhuri ya Muungano wa Tanzania Dkt. John Pombe Magufuli akisaini daftari la maombolezo mara baada ya kuwasili nyumbani kwa marehemu Mzee Admirabilis Mbabe Manyama (82) Chato mkoani Geita

Rais wa Jamhuri ya Muungano wa Tanzania Dkt. John Pombe Magufuli akizungumza na kutoa pole katika msiba huo wa Marehemu Mzee Admirabilis Mbabe Manyama mara baada ya kuwasili nyumbani kwake Chato mkoani Geita

SOMA ZAIDI »

MAPUNDA: ITC TAYARI TUMEIPATA

Baada ya kususua kwa takribani majuma mawili sasa hatimaye hati ya uhamisho ya kiungo Mrisho Khalfan Ngassa imetua kwenye klabu ya Mbeya City fc asubuhi ya leo .

Akizungumza na mbeyacityfc.com muda mfupi uliopita Mwenyekiti wa City, Mussa Mapunda amethibitisha kutua kwa ITC hiyo kutoka shirikisho la soka la Oman ikiwa ni siku chache baada ya klabu ya Fanja kumruhusu Mrisho Khalfan Ngassa kujiunga na kikosi cha City, ambayo pia inajulikana kama timu ya kizazi kipya.

Ni kweli tumeipata, napenda kutoa shukrani zangu za dhati kwa shirikisho la soka nchini,TFF, cham cha mpira cha Oman, hakika wamefanya kazi kubwa kufanikisha kupatikana kwa ITC hii na pia naishukuru Fanja Fc na watendaji wote kwenye timu yetu, tumekuwa na mawasiliano mazuri muda wote mpaka tumefanikiwa alisema.

Akiendelea zaidi, Mapunda alisema kuchelewa kufika kwa ITC hii hakukuwa na msuguano wowote baina ya vilabu hivi viwili kilichokuwa kinatokea ni tofauti ya wakati na siku za ufanyaji kazi kwenye ofisi kulingana na taratibu za nchi hizi mbili.

Hakukuwa na msuguano wowote uliosababisha kuchelewa kwa ITC hii, kilichokuwepo ni utofauti wa taratibu za kiofisi mara nyingi Oman siku za Ijumaa na jumamosi inakuwa ni mapumiko na huku kwetu Jumapili inakuwa mapumziko, hapo ndipo palikuwa panatuletea mpishano, jambo jema ni kuwa tayari tumeipata na tunaweza kumtumia mchezaji kwenye michezo yote ya ligi na ingine ambayo inaihusu klabu yetu alisema.

Katika hatua nyingine Mapunda amesema kuwa maandalizi kuelekea mchezo wa ligi kuu ya Vodacom dhidi ya Mbao fc ulipangwa kuchezwa jumamosi kwenye uwanja wa Sokoine jijini hapa yanaenda vizuri huku imani kubwa kwa uongozi wa City ikiwa ni kushinda mchezo huo hasa baada ya suluhu katika michezo miwili iliyopita.

CARLOS TEVEZ AKAMILISHA UHAMISHO, ATUA SHANGHAI SHENHUA YA CHINA

Mchezaji Carlos Tevez amekamilisha uhamisho kuhamia timu ya Shanghai Shenhua na kuwa mwanasoko anayelipwa mshahara mkubwa kuliko wote duniani wa paundi 615,000 kwa wiki.

Mshambuliaji huyo wa zamani wa West Ham, Manchester United na Manchester City ameingia katika orodha ya nyota wanaojiunga na ligi tajiri ya China ya Supa Ligi, akitokea Boca Juniors.

Tevez, 32, atafanyiwa vipimo vya afya kabla ya kujiunga na wachezaji wenzake wa baada ya kufikia makubaliano ya maslahi yake.

TUME YA MIPANGO YATEMBELEA UJENZI WA KITUO CHA KUZALISHA UMEME KINYEREZI II

Msimamizi wa Mradi wa Ujenzi wa Kituo cha kuzalisha Umeme cha Kinyerezi II, Mhandisi Bernd Siegemund akiweka bayana mipango na mikakati ya kumalizika kwa ujenzi wa kituo cha kuzalisha umeme cha Kinyerezi II katika muda uliopangwa. Wengine ni wataalam kutoka Tume ya Mipango, wataalam kutoka TANESCO pamoja na wahandisi wanaotekeleza mradi huo.
Msimamizi wa Mradi wa ujenzi wa Kituo cha kuzalisha Umeme cha Kinyerezi II, Mhandisi Bernd Siegemund akitoa maelezo ya historia ya mradi huo kwa maofisa wa ukaguzi wa Miradi ya Maendeleo kutoka Tume ya Mipango wakati wataalam hao walipofanya ziara kukagua maendeleo ya ujezi wa kituo hicho.

Mhandisi Omari Athuman (aliyeshika notebook) kutoka Tume ya Mipango akitoa ushauri kwa mkandarasi wa mradi wa ujenzi wa kituo cha kuzalisha umeme cha kinyerezi II.

Picha ya pamoja kati ya wataalamu kutoka Tume ya Mipango, wataalam kutoka TANESCO pamoja na wahandisi wanaotekeleza mradi wa ujenzi wa kituo cha kuzalisha umeme cha kinyerezi II.

Shughuli za ujenzi wa kituo cha kuzalisha umeme cha kinyerezi II zikiendelea.

Linkwithin

TAMWA WAPOKEA MALALAMIKO KUTOKA KWA MAKUNDI MAALUM YALIYOSHIRIKI UCHAGUZI MKUU WA 2015 MANISPAA YA IRINGA

Baadhi ya washiriki walikuwa wakijadili ripoti ya tathmini ya jinsi vyombo vya habari (televisheni, magazeti na redio) vilivyoripoti habari zao wakati wakitia nia na kugombea nafasi mbalimbali katika uchaguzi Mkuu wa 2015 na mjadala huo uliongozwa na Chama cha Waandishi wa Habari Wanawake (TAMWA).

Na fredy mgunda,iringa

MAKUNDI maalumu yanayohusisha vijana, walemavu na wanawake wa mjini Iringa walioingia katika mchakato wa Uchaguzi Mkuu wa 2015 wakitoa masikitiko yao ya namna vyombo vya habari vilivyowapa nafasi finyu katika mchakato huo.

Makundi hayo yalikuwa yakijadili ripoti ya tathmini ya jinsi vyombo vya habari (televisheni, magazeti na redio) vilivyoripoti habari zao wakati wakitia nia na kugombea nafasi mbalimbali katika uchaguzi huo iliyofanywa na Chama cha Waandishi wa Habari Wanawake (TAMWA).

Dora Nziku anatoa malalamiko yake kwa kuvilaumu vyombo vya habari mkoani iringa kwa kutowapa nafasi wanawake,walemavu hata wale wasio na kipato kwa kuwa waandishi wengi walikuwa wanajali maslai kuliko ukubwa wa habari
“Naona kama wanawake tuliathiriwa zaidi katika mchakato huo kwani habari zetu hazikupata nafasi kama ilivyo kwa wagombea wengine hasa wanawake,” alisema Diwani wa Viti Maalumu Iringa Mjini, Dora Nziku (CCM).

Nziku alisema imekuwa ni jambo la kawaida kwa baadhi ya wanahabari kuomba hela kwa wagombea na viongozi wa kisiasa ili waweze kutoa habari zao.

“Pamoja na kuwapa hela wakati mwingine habari hizo hazitoki na mimi ni mmoja wa wahanga wa hilo, nimewahi kuita wanahabari, wakaniomba hela lakini hawakutoa habari zangu na nadhani hazikutoka kwasababu mimi ni mwanamke,” alisema diwani huyo bila kutaja wanahabari hao.

Naye Agusta Mtemi aliyekuwa mgombea udiwani viti maalumu mjini Iringa (CCM) alisema katika kinyang’anyiro hicho aliwashinda kwa kura 266 wagombea wenzake zaidi ya 10 lakini katika mazingira tata alionekana kama mshindi namba mbili na kukosa nafasi ya kuwawakilishi wanawake wenzake katika Baraza la Madiwani la Jimbo la Iringa Mjini.

Naye Imelta Mhanga kijana aliyegombea udiwani viti maalumu (CHADEMA) mjini Iringa alilaumu mchakato ndani ya chama akisema unawanyima uhuru wa kuongea na vyombo vya habari hasa wanapofanyiwa figisufigisu.

“Ndani ya taasisi kuna vitisho, kwamba shughuli za chama ni siri ya chama, hazitakiwi kutoka nje. Kwahiyo tunaogopa kukutana na wanahabari,” alisema huku akipinga kwamba wanahabari wanataka fedha mara zote ili kutoa habari zao.

Kwa upande wake, Selekti Sinyagwa ambaye ni mlemavu wa miguu aliyegombea udiwani viti maalumu ndani ya chama cha mapinduzi (CCM) alisema; “kwa kweli walemavu tunabaguliwa sana katika mchakato wa kupata viongozi, jambo hili linatufanya tujione kama ni jamii tofauti na jamii tunayoishi nayo.”

Afisa Miradi wa TAMWA, Reonida Kanyuma alisema taasisi hiyo iliangalia namna makundi hayo yalivyoripotiwa katika vyombo vya habari ili kwa kushirikiana na wadau waje na suluhisho litakaloondoa tofauti zilizopo.

“Tulifanya ufuatiliaji katika mchakato huo, na kuona jinsi wanawake, walemavu na vijana walivyoripotiwa katika vyombo hivyo vya habari ikilinganishwa na wagombea wanaume katika nafasi za udiwani, ubunge na urais waliopewa nafasi,” alisema.

Alisema kwa kuwa mwisho wa uchaguzi mmoja ni mwanzo wa uchaguzi mwingine, vyombo vya habari havipaswi kuwabagua wagombea kwa kuangalia udhaifu wao au mfumo dume na badala yake vitoe fursa sawa kwa kuzingatia uwezo na dhamira waliyonayo katika kuwatumikia watu wengine.

“Ni matarajio ya TAMWA na wadau wote wa maendeleo kwamba sekta ya habari itatenda haki kwa kutoa nafasi sawa kwa wagombea wote katika chaguzi zijazo,” alisema.

NGULI WA HOLLYWOOD DEBBIE AMFUATA BINTIE CARRIE ALIYEFARIKI DUNIA

Muigizaji mkongwe wa Hollywood Debbie Reynolds amefariki dunia jana baada ya siku moja kupita tangu kutokea kifo cha binti yake muigizaji Carrie Fisher.

Reynolds (84) ambaye alikuwa akiandaa maziko ya binti yake Fisher (60) alisikika akiiambia familia yake kuwa anataka kuwa na Carrie.

Carrie Fisher, alifariki dunia jumanne kutokana na matatizo ya moyo yaliyompata usiku wa Krismasi akiwa kwenye ndege akitokea London kuja Los Angeles.

Debbie akimtambulisha mtoto wake Carrie katika ulimwengu wa filamu hii ilikuwa mwaka 1958

Carrie Fisher akimbusu shavuni mama yake Debbie Reynolds

DELE ALLI ATIKISA NYAVU MARA MBILI WAKATI TOTTENHAM IKIUWA

Dele Alli ametikisa nyavu mara mbili wakati Tottenham wakiendelea kuisaka nafasi ya nne ya msimamo wa Ligi Kuu ya Uingereza, baada ya kuifunga Southampton magoli 4-1.

Southampton walikuwa wa kwanza kupata goli katika dakika ya pili ya mchezo kupitia kwa beki

Virgil van Dijk, lakini Dele Alli alisawazisha katika dakika ya 19.

Harry Kane alimaliza ukame wa kutofunga goli katika michezo mitatu kwa kufunga goli la pili, naye Son Heung-Min akaongeza la tatu huku Alli akimalizia goli la nne.

Harry Kane akiruka juu na kuupiga kwa kichwa mpira wa kona uliozaa goli

Son Heung-Min aliyetokea benchi akifunga katika mchezo huo

REA AWAMU YA TATU KUJA NA NGUZO ZA ZEGE

Naibu Waziri wa Nishati na Madini, Dkt.Medard Kalemani, akizungumza jambo wakati wa Mkutano wake na wananchi wa Kijiji cha Kishuro,Kata ya Ngenge Wilaya ya Muleba, Mkoa wa Kagera. Dkt.Kalemani amefanya ziara Wilayani humo ya kukagua Mradi utekelezaji wa Mradi wa REA Awamu ya Pili na kueleza mipango ya Serikali kutekeleza Awamu ya Tatu ya mradi husika.

Naibu Waziri wa Nishati na Madini, Dkt.Medard Kalemani, akizungumza jambo wakati wa Mkutano wake na wananchi wa Kata ya Ngwanseri,wilaya ya Muleba, wakati wa ziara yake ya kukagua utekelezaji wa Mradi wa REA Awamu ya Pili.

Mkuu wa Wilaya ya Muleba Mhandisi Richard Ruyango,akizungumza jambo wakati wa ziara ya Naibu Waziri wa Nishati na Madini, Dkt.Medard Kalema ni kukagua utekelezaji wa Mradi wa REA Awamu ya Pili.Wengine katika picha ni baadhi ya Viongozi wa Halmashauri hiyo,Wataalam kutoka Wizara ya Nishati na Madini, REA,TANESCO, na Wakandarasi wanaotekeleza mradi husika.

Naibu Waziri wa Nishati na Madini, Dkt.Medard Kalemani, (Wa tatu kushoto) katika picha ya pamoja na Mbunge wa Jimbo la Muleba Kusini, Prof.Anna Tibaijuka (wa pili kushoto),Mkuu wa wilaya ya Muleba Mhandisi Richard Ruyango,(wan ne kushoto)pmoja na Wataalam kutoka Wizara ya Nishati na Madini, REA,TANESCO, na Wakandarasi wanaotekeleza mradi wa REA Awamu ya Pili.

Mmoja wa Wananchi katika akiuliza jambo wakati wa mkutano wa Naibu Waziri wa Nishati na Madini, Dkt.Medard Kalemani(hayupo pichani) katika Kata ya Ngwanseri.

Wananchi wa Kata za Ngwanseri na Ngenge wakimsikiliza Naibu Waziri wa Nishati na Madini,Dkt.Medard Kalemani na ujumbe wake wakati wa ziara yake a kukagua utekelezaji wa Mradi wa REA Awamu ya Pili wilayani Muleba.

Mbunge wa Jimbo la Muleba Kusini Prof.Anna Tibaijuka (kulia) akiteta jambo na Naibu Waziri wa Nishati na Madini,Dkt.Medard Kalemani ( katikati) mara baada ya kumaliza mkutano wake na wananchi wa Kijiji cha Kishuro. Kushoto ni Mkuu wa Wilaya ya Muleba Mhandisi Richard Ruyango.

GAZETI LA NIPASHE YAFANIKISHA WANAFUNZI KUONDOKANA NA PAA LA NYASI.

Na Shushu Joel,BUSEGA.

WANANCHI wa kijiji cha Yitwimila A kilichopo kata ya Kiloleli wilaya ya Busega mkoani Simiyu wamelipongeza gazeti la NIPASHE kwa kuandika ukweli wa mambo yanayojitokeza katika sehemu mbali mbali ikiwemo habari yao ya kuezekwa kwa nyasi shule ya msingi Masanza kuonekana na kuchukua sura ya pekee katika jamii na nchi kwa ujumla.

Pongezi hizo zimekuja siku chache tu mara baada ya gazeti hilo lilipotangaza juu ya shule ya Masanza kuezekwa kwa nyasi na wazazi wa eneo hilo ili kuweza kuwasaidia watoto waliokuwa wakisoma katika hali ngumu ya kupigwa na jua kwa muda mrefu.

Samwel Abel ni mkazi wa kijiji hicho anaeleza kuwa ni juhudi za wananchi zilizofanikisha kumtafuta mwandishi wa habari wa NIPASHE ili aweze kurusha habari ya shule hiyo na jinsi gani wanafunzi wanavyopata shida wakati wa masomo wanapokuwa juani.

“Si wanafunzi tu bali hata walimu ambao ndio wasimamizi wakuu wa maendeleo ya watoto pindi wanapokuwa shuleni lakini nao walikuwa wakikumbana adha kubwa kama hiyo ya kufundishia juani,hii ni aibu kubwa sana kwani jengo hilo lilimalizwa na wananchi kwa muda wa miaka zaidi ya 3 na kukaa tu huku wanafunzi wakisomea juani alisema”

Kwa upande wake Christina Joseph ni mkazi wa kitongoji cha nyawa anaeleza kuwa wanampongeza mbunge wa jimbo la Busega Dr Raphael Chegeni kwa kuweza kujitolea kwa kuezeka shule hiyo.

Bi Chrisitina aliongeza kuwa wanajipongeza wao kama wananchi kwa kufanya kitu ambacho kimewaletea maendeleo ya haraka katika shule yao,kwani bila kuiezeka shule hiyo kwa majani basi mpaka leo kusingekuwa na dalili za kuezekwa kwa shule hiyo.

Aidha tunalipongeza gazeti la NIPASHE kwa umakini wake wa kuandika habari za watu wa chini kama ilivyo sera ya Rais Magufuli ya kuwahudumia watanzania wa hali ya chini na hii imejionyesha kwa gazeti hilo kwani limetenda haki kwa jamii ya chini.

Na kwa upande wake mbunge huyo wa Busega Dr Raphael Chegeni alipopigiwa simu alisema kuwa suala la wananchi kuezeka nyasi shule ni kitendo cha ujasiri sana kwao ingawa ni aibu kwa serikali lakini tumelimaliza na sasa mabati yameshaezekwa shuleni hapo ili kuweza kuwasaidia wanafunzi hao.

Aliongeza kuwa pesa za mfuko wa jimbo atazipeleka zote katika kuhakikisha majengo yote yaliyojengwa kwa nguvu za wananchi anaziezeka ili wanafunzi wapate mahali pa kusomea.

“Nimemuomba mkurugenzi aweze kunipatia idadi ya majengo yote ambayo bado ayajaezekwa ili pesa za jimbo zimalizie kero hiyo”

WAZIRI MKUU ACHANGIA MABATI UJENZI WA ZAHANATI

WAZIRI MKUU Kassim Majaliwa amewahimiza wakazi wa vijiji saba wilayani Ruangwa waharakishe kufyatua matofali ili waanze ujenzi wa zahanati na yeye atawachangia mabati.

Ametoa ahadi hizo leo (Jumatano, Desemba 28, 2016) wakati akizungumza na wananchi wa vijiji vya Namilema, Mbuyuni, Nandandara, Namkonjera, Muhuru, Chikundi na Chibula na viongozi wa wilaya ya Ruangwa, mkoa wa Lindi ambako anapita kuwasalimia wananchi wa jimbo lake na kuhimiza kazi za maendeleo. Waziri Mkuu yuko Ruangwa kwa siku nne kwa mapumziko ya mwisho wa mwaka.

Amesema sera ya Serikali ni kuwa na zahanati kwa kila kijiji na kituo cha afya kwa kila kata na kwamba umefika wakati wa kuanza kutekeleza kaulimbiu ya jimbo hilo inayosema “Ruangwa kwa maendeleo, inawezekana.”

Katika kuhimiza ujenzi wa zahanati hizo, amechangia mabati kati ya 50 na 150 kwa kila kijiji na akawahimiza wahakikishe wanakamilisha mapema ujenzi wa maboma ili aweze kutimiza ahadi yake ya mabati.

Amesema katika awamu iliyopita, alikazania sana suala la elimu kwa kusimamia ujenzi wa nyumba za walimu na madarasa kwenye shule ambazo hazikuwa na madarasa ya kutosha. Pia alisimamia ukarabati wa majengo chakavu katika baadhi ya shule.

“Kuanzia awamu hii na miaka minne iliyobakia, mkakati wangu ni kusimamia upatikanaji wa maji safi na suala la kuboresha sekta ya afya katika jimbo zima nikishirikiana na uongozi wa Halmashauri yetu,” amesema.

Pia amemwagiza Mganga Mkuu wa Wilaya hiyo, Dk. Japhet Simeo ahakikishe anawasiliana na viongozi wa vijiji hivyo ili wapatiwe michoro ya ramani zilizoidhinishwa na Wizara ya Afya.

Wakati huohuo, Mkurugenzi wa kampuni ya Umemejua ya Baraka Solar Specialist, Bw. Ansi Mmasi amesema atajitolea kuweka mfumo wa umemejua wa watts 300 pamoja na nyaya zake kwenye zahanati inayotaka kujengwa kwenye kijiji cha Namilema.

Alisema anaishukuru kwa kuwapa kazi makandarasi wazawa na akawataka wakandarasi wenzake watumie vifaa bora na imara pindi wanapopewa kazi ya kutoa huduma na taasisi mbalimbali ikiwemo halmashauri na idara za Serikali.

“Tujitahidi kufanya kazi hizi kwa weledi na tutumie vifaa bora na imara ili watu wanaotarajia huduma zetu waweze kuridhika na kuendelea kuwa na umani na wakandarasi wazawa kwamba tunaweza kufanya kazi nzuri na zenye ubora unaotakiwa,” amesema.

Naye Mkurugenzi wa kampuni ya ujenzi ya Wanyumbani Construction, Bw. Fakihi J. Bakili alisema atachangia mifuko 50 ya saruji kwa ajili ya ujenzi wa zahanati hiyo ya kijiji cha Namilema. Pia alichangia mifuko 100 kwenye zahanati ya kijiji cha Manokwe na mifuko mingine 50 kwa ajili ya ujenzi wa zahanati ya kijiji cha Chikundi.

IMETOLEWA NA:
OFISI YA WAZIRI MKUU