SIMBA SAFARINI, WANAWAFUATA NJOMBE MJI LAKINI WATAWEKA KITUO

Msafara wa kikosi cha Simba unatarajiwa kuondoka Jumamosi hii kuelekea Iringa kwa ajili ya kuweka kambi kabla ya mchezo wao dhidi ya Njombe Mji FC, Jumanne ijayo.
Simba itakuwa uwanjani kukipiga na timu hiyo ikiwa ni mchezo wao wa 21 katika Ligi Kuu ya Vodacom.
Mchezo huo utaifanya Simba kuwa michezo sawa na Yanga ambao tayari wanalingana pointi lakini Simba wapo kileleni kutokana na wastani mzuri wa mabao ya kufunga na kufungwa.
Msemaji wa Simba, Haji Manara amesema kwamba Simba itakuwa Iringa Jumamosi hadi mapema Jumatatu itakaposafiri kwenda Njombe.
Kuna uwezekano wa Simba kumkosa kiungo wake, Jonas Mkude ambaye aliumia kifundo cha mguu wiki hii mazoezini Uwanja wa Boko Veterani, Dar es Salaam