LIVERPOOL YALIPA KISASI CHA KUFUNGWA NA LEICESTER CITY

Philippe Coutinho amefunga goli zuri la msimu huku Jamie Vardy akishuhudia penati yake ikiokolewa katika mchezo ambao Liverpool imeibuka na ushindi wa magoli 3-2 dhidi ya Leicester City.

Leicester City ambayo iliitungua Liverpool kwa magoli 2-0 katika kombe la Carabao siku ya jumanne, lakini safari hii Liverpool iliamua kulipa kisasi katika mchezo wa Ligi Kuu ya Uingereza.

Liverpool ilipata goli lake la kwanza baada ya Coutinho kumtengenezea pande la mpira wa kichwa Mohamed Salah, Coutinho akaongeza la pili, kisha Shinji Okazaki akachomoa goli moja.

Jordan Henderson akaiongezea Liverpool goli la tatu katika shambulizi la kushtukiza hata hivyo Leicester City haikukata tamaa na kufanikiwa kupata goli la pili kupitia kwa Jamie Vardy.

                        Mohamed Salah akiifungia Liverpool goli la kwanza katika mchezo huo

                      Mbrazili Philippe Coutinho akifunga goli zuri kwa mpira wa adhabu 

                         Mjapani Shinji Okazaki akiifungia Leicester City goli lao la kwanza